• Watch

    Heart Habits in Action

    Talks with Heart Expert

    Understand Your Heart


    Read

    Heal Your Heart with Habits

    Know Your Heart

    Expert Treatment Talks


    Discover

    Cardiologist

    Cardiac Surgeon

    Physiotherapist

    Pharmacy

    Wellness Center

    Dietician

    Radiologist

    Insurance Advisor

    Yoga Instructor

    Multi-Specialty Hospital

    Blood Bank

    Ambulance

    Clinic

    Pathology


  • Logo

    Are you a Partner? Click Here

સ્વસ્થ હૃદયની આદતો/વ્યાયામ અને પ્રવૃત્તિ

શુ યોગ હાર્ટને તંદુરસ્ત રાખી શકે છે?

શુ યોગ હાર્ટને તંદુરસ્ત રાખી શકે છે?
Team SH

Team SH

Published on

June 21, 2025

Read this blog in

Advertise Banner Image

આજના ઝડપી જીવનશૈલીમાં સ્ટ્રેસ, અનહેલ્ધી ડાયેટ અને બેઠાડુ જીવન સામાન્ય બની ગયું છે. આ બધા ફેક્ટર્સ હૃદય સંબંધિત બીમારીઓ માટે મોટા કારણ બનતા જાય છે. જ્યાં એક બાજુ આધુનિક દવાઓ સારવાર માટે ઉપલબ્ધ છે, ત્યાં બીજી બાજુ ઘણા લોકો હવે વેલનેસ માટે યોગ જેવી પ્રાચીન પદ્ધતિઓ તરફ વળી રહ્યાં છે. પરંતુ શું યોગ ખરેખર હ્રદયના આરોગ્યને સુધારે છે? ચાલો વૈજ્ઞાનિક અને હોલિસ્ટિક દ્રષ્ટિકોણથી સમજીએ કે યોગ અને હૃદય આરોગ્ય વચ્ચે શું કનેક્શન છે.

યોગ અને હાર્ટ હેલ્થનું કનેક્શન

યોગમાં શારીરિક આસન (Asanas), પ્રાણાયામ (શ્વાસની ટેકનિક્સ) અને ધ્યાન (Meditation) શામેલ હોય છે. આ ત્રણેય તત્વો સાથે મળીને માનસિક સ્પષ્ટતા, શારીરિક શક્તિ અને ભાવનાત્મક સંતુલન વધારવામાં મદદ કરે છે.

હવે જુઓ કે યોગ કેવી રીતે હ્રદયના આરોગ્યને સપોર્ટ કરે છે:

  • સ્ટ્રેસ અને ચિંતા ઘટાડે છે, જેના કારણે બ્લડ પ્રેશર કાબૂમાં રહે છે
  • હાર્ટ રેટ વેરિએબિલિટી સુધારે છે, જેના કારણે હ્રદયની કામગીરીમાં વધારો થાય છે
  • વજન નિયંત્રિત કરવામાં મદદ કરે છે કારણ કે તે માઇન્ડફુલ ઈટિંગ અને ફિઝિકલ એકટીવીટીને પ્રોત્સાહન આપે છે
  • બ્લડ સર્ક્યુલેશન સુધારે છે અને હ્રદયના મસલ્સને મજબૂત બનાવે છે
  • બ્લડ શુગર અને કોલેસ્ટ્રોલ લેવલને બેલેન્સ કરવામાં મદદ કરે છે

જો તમે પહેલેથી જ હ્રદયની કોઈ પરિસ્થિતિ મેનેજ કરી રહ્યા છો અથવા બચાવની કોશિશ કરી રહ્યા છો, તો અમારી Healthy Heart Habits સેક્શનમાં વધુ ઉપયોગી લાઇફસ્ટાઇલ ટીપ્સ ઉપલબ્ધ છે.

યોગના ફાયદા અંગે વૈજ્ઞાનિક પુરાવા

વિશ્વભરમાં અને ભારતમાં થયેલા અનેક અભ્યાસોએ સાબિત કર્યું છે કે યોગ હ્રદય માટે લાભદાયી છે.

  • AIIMS, નવી દિલ્હીની એક સ્ટડી અનુસાર, યોગથી બ્લડ પ્રેશર ઘટ્યું અને લિપિડ પ્રોફાઇલમાં સુધારો થયો.
  • Harvard Medical School મુજબ, યોગ સ્ટ્રેસ હોર્મોન કોર્ટિસોલ ઘટાડે છે, જેના કારણે હ્રદય રોગનું જોખમ ઘટે છે.
  • Journal of Preventive Cardiology માં પ્રકાશિત થયેલા અભ્યાસમાં દર્શાવાયું છે કે નિયમિત યોગની પ્રેક્ટિસ એન્ડોથેલીયા ફંકશન સુધારે છે અને ધમનીઓની સ્ટીફનેસ ઘટાડે છે.

આ બધા પરિણામોને American Heart Association જેવી ગ્લોબલ હેલ્થ ઓર્ગેનાઈઝેશન્સ પણ સપોર્ટ કરે છે, જે યોગને હાર્ટ હેલ્થ માટે એક કોમ્પલિમેન્ટરી થેરાપી તરીકે માન્યતા આપે છે.

હાર્ટ હેલ્થ માટે યોગના મહત્વના ફાયદા

1. બ્લડ પ્રેશર ઘટાડે છે

હાઈ બ્લડ પ્રેશર (Hypertension) હૃદયરોગનું મોટું કારણ બની શકે છે. યોગ તેને નિયંત્રિત કરવામાં મદદરૂપ થાય છે:

  • ડીપ બ્રીધિંગ દ્વારા શરીરને શાંત કરે છે
  • નર્વસ સિસ્ટમની ઓવરએક્ટિવિટી ઘટાડે છે
  • બ્લડ વેસલ્સના ફંકશનને સુધારે છે

2. કોલેસ્ટ્રોલ લેવલ સુધારે છે

યોગ સીધો નહિ પણ આડકતરી રીતે લિપિડ પ્રોફાઇલમાં સુધારો કરે છે:

  • નિયમિત મૂવમેન્ટથી વજન ઓછું કરવામાં સહાય કરે છે
  • LDL (ખરાબ કોલેસ્ટ્રોલ) ને ઘટાડે છે
  • HDL (સારા કોલેસ્ટ્રોલ) ને વધારવામાં મદદ કરે છે

3. બ્લડ શુગરને નિયંત્રિત કરે છે

બ્લડ શુગરનું વધવું હૃદયરોગના જોખમને વધારી શકે છે. યોગ મદદરૂપ થાય છે:

  • ઇન્સ્યુલિન સેન્સિટિવિટી વધારવા
  • વધારે શુગરથી થતી ઇન્ફ્લેમેશન ઘટાડવા
  • ચોક્કસ આસનો દ્વારા પૅન્ક્રિયાસના આરોગ્યને સપોર્ટ કરવા

ડાયાબિટીસ અને હૃદય આરોગ્ય વચ્ચેના કનેક્શન વિશે જાણવા માટે અમારી Heart Diseases સેકશન જરૂરથી જુઓ.

4. વજન ઘટાડવામાં મદદ કરે છે

મોટાપો હાર્ટ અને બ્લડ વેસલ્સ પર વધુ દબાણ નાખે છે. યોગ માટે ફાયદાકારક છે:

  • વિન્યાસ અને પાવર યોગ જેવી એક્ટિવ સ્ટાઇલથી કેલોરી બર્ન થાય છે
  • માઇન્ડફુલ ઈટિંગ વધે છે
  • સ્ટ્રેસના કારણે થતી બિંજ ઇટિંગ ઘટાડે છે

5. સ્ટ્રેસ અને ચિંતા ઘટાડે છે

ક્રોનિક સ્ટ્રેસ સીધો હૃદયની સમસ્યાઓ જેમ કે એરિથમિયા અને સ્ટ્રોક સાથે જોડાયેલો હોય છે. યોગ માનસિક શાંતિ આપે છે:

  • પેરાસિમ્પેથેટિક નર્વસ સિસ્ટમ ને એક્ટિવ કરે છે
  • સેરોટોનિન અને ડોપામાઇન જેવા ફીલ ગુડ હોર્મોન્સને વધારવામાં મદદ કરે છે
  • ડીપ સ્લીપને પ્રોત્સાહિત કરે છે

હેલ્ધી હાર્ટ માટે જરૂરી યોગાસન

કેટલાક યોગાસન ખાસ કરીને હાર્ટ હેલ્થ અને કાર્ડિયોનેસ્ક્યુલર ફંકશન સુધારવામાં મદદ કરે છે:

  • તાડાસન (Mountain Pose): શ્વાસ લેવાની ક્ષમતા અને બોડિ પોઝ્ચર સુધારે છે
  • વૃક્ષાસન (Tree Pose): બેલેન્સ અને માનસિક સ્થિરતા વધારવામાં મદદ કરે છે
  • સેતુ બંધાસન (Bridge Pose): રક્ત સંચાર સુધારે છે
  • ભુજંગાસન (Cobra Pose): છાતી ખોલે છે અને રીઢની હાડકીને મજબૂત બનાવે છે
  • અધો મુખ સ્વાનાસન (Downward Dog): થાક ઘટાડે છે અને ઊર્જા વધારવામાં મદદ કરે છે

નિયમિતતા ખૂબ મહત્વપૂર્ણ છે. તમને એડવાન્સ યોગ પોઝ આવડવા જરૂરી નથી. નિયમિત રીતે બેસિક આસન કરવાથી પણ હાર્ટ માટે ઘણો ફાયદો થાય છે.

શ્વાસની તકનિકો અને ધ્યાન (Meditation)

શરીરનાં આસનો સાથે પ્રાણાયામ અને મેડિટેશન પણ હૃદયની તંદુરસ્તી માટે ખૂબ જ મહત્વ ધરાવે છે:

  • અનુલોમ વિલોમ (Alternate Nostril Breathing): નર્વસ સિસ્ટમને બેલેન્સ કરે છે અને મનને શાંત કરે છે
  • ભ્રામરી (Bee Breath): બ્લડ પ્રેશર ઘટાડે છે અને ફોકસ વધારવામાં મદદ કરે છે
  • કપાલભાતિ: ફેફસાની ક્ષમતા અને મેટાબોલિઝમ સુધારે છે
  • માઇન્ડફુલનેસ મેડિટેશન: હાર્ટ રેટ ઘટાડે છે અને ઇમોશનલ બેલેન્સ લાવે છે

દરરોજ માત્ર 10–20 મિનિટ Pranayama અથવા Meditation કરવાથી પણ ખૂબ અસરકારક પરિણામો જોવા મળે છે.

યોગ શરૂ કરતા પહેલા ધ્યાનમાં રાખવાની બાબતો

યોગ સામાન્ય રીતે સુરક્ષિત હોય છે, પણ જો તમને પહેલેથી હાર્ટની તકલીફ હોય તો નીચેના મુદ્દાઓનું ખાસ ધ્યાન રાખો:

  • યોગ શરૂ કરતા પહેલાં તમારા કાર્ડીઓલોજિસ્ટ અથવા ફિઝિશ્યન ની સલાહ લો
  • શરૂઆતમાં હાઈ-ઇન્ટેન્સિટી આસનો કે ઝડપી યોગ તીવ્રતાથી બચો
  • ધીમેથી શરૂઆત કરો અને પ્રમાણિત યોગ ઇન્સ્ટ્રક્ટરનું માર્ગદર્શન લો
  • હાઈડ્રેટ રહો અને વધુ થાકથી બચો

જો તમે હાલમાં હાર્ટની કોઈ ટ્રીટમેન્ટ લઈ રહ્યા હોવ તો અમારી Cardiac Treatments સેક્શન જરૂરથી એક્સપ્લોર કરો.

શું યોગ દવાઓની જગ્યા લઈ શકે છે?

યોગ એ એક પૂરક થેરાપી છે, એટલે કે તે તમારી દવાઓ અથવા મેડિકલ ટ્રીટમેન્ટનું સપ્લીમેન્ટ બની શકે છે, પરંતુ તેના બદલે નહીં આવી શકે. જો કે, યોગના ઘણા ફાયદા છે જે તમારી ઓવરઓલ ટ્રીટમેન્ટને વધારે અસરકારક બનાવી શકે છે:

  • તે તમારી હાલની સારવારને વધારે અસરકારક બનાવી શકે છે
  • સમય જતાં ડોક્ટરની સલાહથી દવાઓના ડોઝ ઘટાડવા શક્ય થઈ શકે છે
  • લાઈફ ક્વોલિટી સુધરે છે અને લાંબા સમય સુધી દવાઓ પર રહેલી ડિપેન્ડન્સી ઘટાડી શકાય છે

પણ ધ્યાનમાં રાખો કે યોગ કરતી વખતે પણ મેડિકલ એડવાઇઝનું પાલન કરવું ખૂબ જ જરૂરી છે. ડોક્ટરની સલાહ વગર ક્યારેય દવાઓ બંધ ન કરો.

યોગ કેટલા સમય સુધી કરવા જોઈએ?

સારા પરિણામ માટે નિયમિતતા સૌથી વધુ મહત્વની છે, તીવ્રતા નહીં.

  • શરૂઆત કરો 20–30 મિનિટથી, અઠવાડિયામાં 3 થી 5 દિવસ
  • સેશનમાં આસન, પ્રાણાયામ અને મેડિટેશનને યોગ્ય બેલેન્સ કરો
  • જેમ જેમ બોડી કમ્ફર્ટેબલ થાય, સમય અને ડ્યુરેશન ધીમે ધીમે વધારતા જાવ

બ્લડ પ્રેશર, હાર્ટ રેટ અને સ્ટ્રેસ લેવલમાં સુધારો જોવા માટે લાંબા સમય સુધી યોગને નિયમિત રીતે કરવો જરૂરી છે ધીરે ધીરે યોગને તમારી લાઇફસ્ટાઇલનો ભાગ બનાવો, તો જ તેની અસરો લાંબા સમય સુધી ટકી શકે છે.

યોગ સાથે હાર્ટ-ફ્રેન્ડલી રૂટિન બનાવો

જો તમે યોગને નિયમિત રીતે તમારી દૈનિક લાઇફમાં સામેલ કરો છો તો તેના લોન્ગ ટર્મ અને સસ્ટેનેબલ ફાયદા મળી શકે છે:

  • સવારે યોગ કરવાથી આખો દિવસ ઊર્જાવાન અનુભવો છો અને સાંજે કરો તો સારી શાંતિ અને રિલેક્સેશન મળે છે
  • યોગ સાથે હાર્ટ-ફ્રેન્ડલી ડાયેટ લો—જેમાં ફ્રૂટ્સ, વેજિટેબલ્સ અને અનાજ નો સમાવેશ હોય
  • ધુમ્રપાન પૂરી રીતે ટાળો અને આલ્કોહોલનું સેવન ઘટાડો
  • દરરોજ 7–8 કલાક નીંદ લેવી ખૂબ જ જરૂરી છે જેથી બોડી સારી રીતે રિકવર થઈ શકે અને ઈન્ફ્લેમેશન ઘટે

હેલ્ધી ડાયેટ વિશે વધુ માહિતી માટે અમારી બ્લોગ પોસ્ટ Best Foods for a Healthy Heart. જરૂર વાંચો.

આખરી વાત

યોગ એ એક સુલભ, લો-ઈમ્પેક્ટ અને સર્વગ્રાહી અભ્યાસ છે જે હાર્ટની તંદુરસ્તીમાં ખૂબ જ અસરકારક સાબિત થઈ શકે છે. તમને હાર્ટ ડિસીઝનો રિસ્ક હોય કે ન હોય, અથવા તમે તમારી ઓવરઓલ હેલ્થ સુધારવા માંગતા હોવ તો યોગ એક પ્રિવેન્ટિવ અને સપોર્ટિવ ટૂલ તરીકે કામ કરી શકે છે.

જો તમે યોગ, બેલેન્સ ડાયેટ, નિયમિત ચેક અપ અને જરૂર પડે ત્યારે મેડિકલ કેર ફોલો કરો, તો હૃદયરોગનું રિસ્ક ઘણી હદ સુધી ઓછું થઈ શકે છે. અને તમારી લાઇફ માત્ર લાંબી નહીં પણ વધુ હેલ્ધી પણ બની શકે છે.

Authoritative External References:

Advertise Banner Image